13 oC 
Güneşli
لە مانگی تەمموزدا هێزەکانی داگیرکەر ٦٦٢ کەسیان لە کەناری ڕۆژئاوا و قودسی ڕۆژهەڵات بە دیل گرت. لە نێو ئەو کەسانەی دەستبەسەرکراون ٣٩ منداڵ و ١٢ ئافرەت بوون.
ڕێکخراوەکانی ئەسیران و مافی مرۆڤی فەلەستینی رایانگەیاند، لە مانگی تەمموزدا هێزەکانی داگیرکەر ٦٦٢ کەسیان لە کەناری ڕۆژئاوا و قودسی ڕۆژهەڵات بە دیل گرت. لە نێو ئەو کەسانەی دەستبەسەرکراون ٣٩ منداڵ و ١٢ ئافرەت بوون.
لە سەرەتای دەستپێکردنی هێرشەکەوە، ژمارەی ئەو کەسانەی لە کەناری ڕۆژئاوا بە دیل گیراون، ١٨ هەزار و ٥٠٠ کەسی تێپەڕاندووە. ئەم ژمارانە زیاتر لە ٥٧٠ ئافرەت و نزیکەی ١٥٠٠ منداڵ دەگرێتەوە بەڵام ئەم ژمارەیە هەزاران دیل لە غەززە ناگرێتەوە.
داگیرکەران بەردەوامن لە هێرشە سیستماتیکییەکانی دەستبەسەرکردنی فەلەستینییەکان لە ناوچەکەدا. زیادبوونی هێرشەکانی باندە جولەکەکان بۆ سەر گوند و شارۆچکەکان ژمارەی ئەسیرەکان بەرز دەکاتەوە. لە ماوەی ئەم دەستبەسەرکردنانەدا پێشێلکارییەکانی مافی مرۆڤ وەک کوشتن، ڕووخاندنی ماڵەکان، ئەشکەنجەدانی توند و بارمتەگرتنی خێزانەکان روودەدەن.
هەروەها لەم ماوەیەدا پراکتیکی "دەستبەسەرکردنی ئیداری" فراوانتر بوو. هەزاران فەرمانی دەستبەسەرکردنی ئیداری دەرچوو. بەپێی داتاکانی ئێستا، ژمارەی دەستبەسەرکراوانی ئیداری ٣ هەزار و ٦١٣ کەسە کە زیاتر لە ٨٠ منداڵ و ٨ ئافرەتیشیان تێدایە.
ڕۆژنامەنووسانیش دەبنە ئامانجی داگیرکەرەکان. لە کاتی شەڕدا ١٩٥ ڕۆژنامەنووس دەستبەسەر کران کە هێشتا ٥٠ کەس لە زیندان ماونەتەوە. داگیرکەری پشتیوانی لە هێرشی چەتەکانی جوولەکە دەکات.
مامەڵەی خراپ لەگەڵ ئەسیران بەردەوامە. هەڵکوتانە سەر ماڵ و ئەشکەنجەدانی خێزانەکان زیاتر بووە. پراکتیزەکانی وەک ئەشکەنجەدانی سیستماتیکی، برسێتی و ڕەتکردنەوەی مافی چاودێری تەندروستی لە زیندانەکاندا بەردەوامە. لە مانگی تەمموزدا ٢ زیندانی شەهید بوون.
ئەشکەنجەدان بەرامبەر بە زیندانییەکان بەردەوامە، لەوانە توندوتیژی جەستەیی، تەزووی کارەبا، فشاری دەروونی، ڕەتکردنەوەی مافی تەندروستی و بڵاوبوونەوەی نەخۆشی. ئەوانەی لە غەززە دەستبەسەر کراون، بارودۆخێکی سەختتریان بەسەردا دێت.
تا سەرەتای مانگی ئابی ٢٠٢٥ نزیکەی ١٠٨٠٠ زیندانی لە زیندانە داگیرکراوەکاندا هەبوون. ئەم ژمارەیە دیلەکانی ناو کەمپەکانی سوپا ناگرێتەوە و لە دوای ئینتیفادەی ساڵی ٢٠٠٠ەوە وەک زۆرترین ژمارەی زیندانییەکان تۆمار کراوە. ٤٩ زیندانی ئافرەت و زیاتر لە ٤٥٠ زیندانی منداڵ هەن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٥ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٢٧ کەس کە ١٠٣یان منداڵن.
ڕۆژنامەنووس و دەرهێنەر یوڤاڵ ئەبراهام ئاشکرای کرد کە هەواڵگری سەربازی سەهیۆنی شانەیەکیان بۆ دابینکردنی "شەرعیەت" بۆ سوپای داگیرکەر دامەزراندووە کە ڕۆژنامەنووسانی لە غەززە کردە ئامانج و تیرۆریان کرد.
ئەمریکا رایگەیاند کە ئاسمانی ناوچەکە بە شێوەیەکی کاتی دادەخات بەهۆی لوتکەی گرنگی پوتین و ترامپ کە بڕیارە لە ١٥ی ئاب لە ئەنکۆراجی پایتەختی ئالاسکا بەڕێوەبچێت.
کاربەدەستانی تەندروستی لە غەززە دەڵێن نەخۆشخانەکان پڕ بوونەتە و کەمی ئاوی پاک و خۆراک، هەزاران منداڵ دەخاتە دۆخێکی ناجێگیرەوە.
